ف البلد القدييييييمه أوي ...هنا
اللي اتعود اهلها يسجلوا تاريخهم علي جدرانها!!
بنت صغيره بشعر غجري جدا قصير ومنكوش
وعينين طول الوقت بتحكي مع روحها عن ضيقهم بالرغم من انهم واسعين
وروح قديمه أوي مسكاها..بتشدها ناحية ناس معينه وحاجات معينه بتحس معاهم بنشوي عجيبه
أيون هي متأكده إنها روح ..روح لحد زماااااااااااااااااان
ف شارع ..طول الوقت مرتبط معاها بكلمة يوم القيامه..يعني ربنا والناس هيقفوا هنا يوم القيامه
الصور اللي بتقراها ف القراءن حتي شكل مدخل الجنه وشكل مدخل النار
وشكل الناس وهما عطشانين
كل الصوره الحلوه اللي كلموها عنها يوم القيامه والوحشه عن اللي هيشوفه الكفره والعصاه
كل الصوره دي ليها مكان وليها تخيل ف الشارع د
حتي شكل ربنا جاهز ف خيالها
ورصة الناس وعنف الملايكه وطيبتهم
يعني تقدر تقول اللوكشن مكتمل!!!
قاعده جوستين هناااااااااااااااااك بإيد صغيره بتطبطب بيها علي واحد غريب..مش شكل حد من قرايبها
ومش شكل حد من معارفها
إنما هو شكل هي حباه
إيدها...!!
إيد صغيره أوي ناعمه..حتي أصغر من جسمها
زي ما تكون إيد لوحدها كدا...وتفاصيل الخطوط ف الكف زي ما هي أخدت بالهامختلفه
مش يعني رسمتها مختلفه
بس يعني حاجه جميله
بس جوستين ما كانتش بتقدس الجمال
بس بتجري ورا الفن
الراجل
دقن طويله ما تنفرش حد منها...مع إن عادة الدقون الطويله مقززه
بس هي دقن طويله حلوه
مليانه شعر ابيض ومتشعلق فيها الايد الصغيره بتلعب فيها من تحت وتكومها كلها ف ايدها وترجع تسيبها لما توصل لمنبتها وتحس انها هتوجعه
هو بيبص بتحفظ...غامض جدا
هي مش عارفاه لغاية دلوقتي
بس عارفه العينين اللي بتحبها او مقدراها عن بقية الناس
جوستين ...مغروره!!1
ياااااااااه ..أيون جوستين مغروره
أول مره أخد بالي من إن سر حبها ليه
كان عشان تمييزه ليها
ايون كان بيمزها ..وبيبص عليها وسط العيال كلهم
بحب أو خوف أو تكهين بإنها أحسن
مش عارفه
هو
بيكتب بالزيت ع الجدران
أي جدران؟؟
جدران كل الجدران..جدران كل البلد
كلام مش بتفهمه بس بتقدره
هي بتنام تحلم بجيب جديد مكتوب عليه كلام شبه دا
وبحد يقدرها..وتحس انه ربنا وبيعرف كل حاجه شبه دا
يوم الأربع
تخيلته طول الوقت هو يوم القيامه
كتبت ع الجدران شبه ما هو بيكتب
ودونت يوم الأربع ف الشارع اللي سمته شارع يوم القيامه
جوستين ...العجوز
وتحتها كتبت...عشان لو تهنا من بعض
وقالتله يوم القيامه نتقابل هنا لو تهنا من بعض
يمكن كانت شايفاه ربنا فعلا ومش هيموت
ومش هيفصلها عنه غير اليوم دا
وهي بعالمها الصغير
بتحاول تقتل كل إحتمال ما تشوفوش فيه تاني يوم
كلها تفاصيل مهلوكه جوا الذاكره..مش عارفه دا إيه ...بس اللي عارفاه إنه حقيقي
حقيقي أوي
وحشتني قعدتنا في شارع يوم القيامه
جوستين
