قبل الفطار....قضيت السبع ساعات النهاريه ف دهان انصاف الجدران - ناحية اعلي - حيث اني لا اجيد دهانات مطلعها من ناحية الارض ...ووضعت بواقي فضلاتي الجينزيه بشكل تعويضي فوضوي علي الاجزاء الغير المدهونه ..اضفي شكلا ديكوريا غير مقصودا فلدي الآن مكعبا يتكون سقفه من ضفائر " القش وخطوط الخوص" اما أسفله فقد طوقته باطارا جينزيا ...وف المسافه المدهونه بين اسفله واعلاه ...كتبت عليها كتابه مسوده بهباب ألوايح " جوزة جدي " عبارات متفرقه مثل " بحبك يا حماده " و " يا فرخه يا كيكيه هاتي اللي فيكي فيا " و بعض الرسوم مثل شفاه وعين و " قلوب " وحروف انجليزي وعباره اخري موجوده بفعل الزمن ولم يستطع مسحها " خلي بالك من لولي (1)"ه
.
**************
بعد الفطار ....وزعت لولي كوبايات " قمر الدين " ونوهت عن ان الليله هي ليلة القدر...وقتها كانت الاعلانات بعد الفطار.. خلفيه للجو الرمضاني...كان اعلان لبنيتا " زبد الزبادي " و عندما افترشت أرضية مكعبي المتنافره بلاطاته وجدت علي كل واحده اسم منا او اسم يشبهه تذكرت اعلانات " اللبان السحري" و " بارتي جم "و وجدت اغلفه لمنتجان " بم بم القديمه " وعندما هدأ الجو ركنت بكوعي وسندت بركبتي علي السور قليلا .. حتي دقيت الحسنه المطبوعه علي كعبي فوق الارض...فمكعبي مكشوف علي القمر....مفتوح علي الدق
.
**********
قرب الفجر ..... كان يجلس المكعب مسقوفا بقشه مكشوفا علي قمره....ويطل هو عليه وانا واقفه امامه سانده بكوعي علي السور مدققه النظر ف الدائره المنوره - فمن مكاني تشعر انه قريبا جدا - جرب معي هكذا ...( ضع كفك فقط علي اذنك ونحي صوابعك جانبا...ثم اهدأ واسمع الخبطات.....تك تك تك تك تك تك تك )- دا مش صوت قلبك - انه صوت خبطاته داخل مربع النور " القمر" وتستطيع ان تقف ف مكان قريب مثلي وتحدثه
.
************
داخل اشيائي القديمه وجدت عادتي للوقوف قريبا منه ومحادثته ووجدت ورقتي المدلوق علي طرفها " نقطتين قمر الدين " وشعور بأن ليلة القدر هي مصباح علاء الدين السحري أو عصاة الله السحريه هتقولك نفسك ف ايه؟؟؟؟ كمانانا
.
*********
مالقتش حاجه أزودها علي اخر جواب كتبته..من جوابات تالته ابتدائي وفضفضة ليلة القدر
كنا ف الصف التالت ....نصفنا يقضم ظوافره والنصف الاخر مشغولا بحك رأسه أو رص المناديل او أشياء مشابهه...عندما تبخترت ف المسافه الفاصله بيينا للمره الاولي...وقالت ف حميميه ) اكتبوا جواب لربنا ..اكتبوا الحاجات الوحشه واستغفروه عليها والحاجاتالحلوه اكتبوها بردوا) وحينها
قاطعها احدانا: وممكن نكتب طلباتنا؟؟؟
.
***********
يارب خليلي ماما وتبقي كويسه
أصل انت عارف لو حصلها حاجه بابا هيتجوز
وانا مش هعمل حاجه وحشه تاني
ولو يعني موضوع حنان اني بشخط فيها دا مزعلك
انا هبطل اعمل كدا
وحاجه كمان اني اجيب درجه حلوه ف الامتحان يا رب
ولو يعني ليا طلب واحد بس يبقي خليلي ماما والنبي
انا مخليه بالي من اخواتي اهو ومش بقيت بتشاكل مع نهي
مع انها بتغيظني
وامبارح ادتلها نص مصروفي
والنهارده كمان مشيت وراها ف المدرسه وخدت بالي من جزمتها وشرابها لما قلعتهم وما ضاعوش
واديت مصروفي كله للشحاته وما جبتش سيره لحد خالص
يارب تكون مبسوط مني
وتكتبلي ف قدري حاجه كويسه..لو النهارده ليلة القدر
انا هقف هنا بقي اتفرج ع القمر من غير هوسه واسمع الدق وانزل ابوس ماما
وانام
ــــــــــــــــــــــــــــــــــــــ
لولي: جدتي لأبي
17 comments:
نفسي اعلق بس مش عايزة اقول كلام عبيط يعنى
بجد حلو اوى
ربنا يخليكى وتكتبي
يا ديسومبرررر
نفسى أرجع لأيام اللبان السحرى وبم بم
أسلوب فظيع
تحياتى
من أد إيه كنا هنا
من شهر فات ولا سنه
التذكارات زاد المتعبين
وبلاغ أخير
أنه لم تعد الحياة تلد أفراحا جديدة
تحياتى
وبرضه
ممممممممم
ايه الحلاوة دى يا برنسيسه؟؟
بقي ملقيتيش حاجه تزوديها في الجواب بتاع تالته ابتدائي ؟؟؟؟؟؟؟
ماشي ماشي
كله بحسابه
ههه
IT LOOKS FOR HERE: http://www.interpol.int/public/thb/vico/default.asp
Wanted: search for this man photographed sexually abusing children
INTERPOL is seeking the help of the public to try to identify this man, photographed sexually abusing children in a series of images posted on the Internet.
The photos shown here are from a series of around 200 pictures involving 12 different young boys, believed to have been taken in Vietnam and Cambodia in 2002 or 2003.
These pictures have been produced by specialists from Germany’s federal police force, the Bundeskriminalamt, working from originals found on the Internet, which had been digitally altered to disguise the man’s face.
Extensive police efforts worldwide to identify the man have so far failed and Interpol is now enlisting the support of the media and the public to help identify him as a priority.
Anyone with information on his identity or whereabouts should contact their local police or INTERPOL’s Trafficking in Human Beings Unit via email.
http://www.interpol.int/public/thb/vico/default.asp
laih law mama gralha 7aga baba 7a yetgawwez? yemkn ma yetgawwezsh
الشعور بالحنين يطل من بين سطور هذه التدوينة
الفكرة بها أجواء غرائبية، لكنها مكتوبة ببراءة ونقاء الطفولة، وهو ما جعلها في نظري أجمل..وأصدق
انا بلاقى نفسى ماشى معاكى زى العل الصغير اللى ماسك فى ايد امه او قاعد يسمعلها وف الآخر يقولها وبعدين
عالمك جميل
تحياتى
كل سنه و انتي طيبه و عيد مبارك عزيزتي
كل سنة وأنت طيبة
كل سنة وانتي طيبة وبسعادة وصحة انتي وكل حبايبك
...
الجواب .. تحفة صادقة من قلب طفل برئ
ومازال اسلوبك يشد من اليد لبوابات مدينة السحر
عيد فطر مبارك
سما وناردين
عيد سعيد عليكى
كل سنه وانت طيبه
الحنين دائما سلاح ذو حدين
يجلب معه الذكريات الجميلة
ولكنه دائما مخلوط بمرارة نتجرعها في كل مرة في حالة استرجاع قهرية تتم لنا شئنا أم أبينا فنتذوق الأثنان مرغمين راضين
قلبتي علينا المواجع
طولتى الغيبة ليه
فينك
؟؟
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039
Post a Comment