Thursday, September 20, 2007

ما تيجي نتزخنق جمب الحيطه




أنا : بقولك
هو: ها؟
أنا: ما تيجي نتزخنق جمب الحيطه
هو: نتزخنق !!!!!
أنا : اه نتزخنق...يعني نتخنق من كتر الزنقه
هو: .................
انا: انا نفسي ف حيطه موف ونتزخنق جمبها
انا: حاسه اني عاوزه اتغطي ف مساحه صغيره
انا: .............
انا: حاسه اني محتاجاك
هو:............
انا: تيجي؟؟


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اللوحه للفنان الالماني " ساندرو كوب" 2001
fetal : 60 cm by 40 cm


21 comments:

sultan said...

يا ريت

دا انا من زمان نفسي ف حيطه موف اتزخنق فيها

بس انا ساكت اوي ف الحوار

هو انا كدا اصلا ؟؟؟؟؟؟؟؟

abderrahman said...

مرحبا بكِ في أكاديمية المتزخنقين
:)

إنسان || Human said...

تصدق أول مره أعرف إن كلمة نتزخنق نتاج ..ل خنقة +زنقه

لا حلوه
وحلوه حكاية حيطه موف

الأستاذ said...

فعلاً .. إحساس جميل إن الواحد يتزخنق جنب الحيطة ... ما أجمل الزخنقة وما أدفي الحيطة ...... في واحدة اسمها "جوستين" تقول نتزخنق؟؟

Anonymous said...

بس هو فيه فعلا حيطان موف ؟
ياريت لو فيه حاجة كده تقوليلنا فين

رمضان كريم

المحرر said...

يقول محمود درويش

تخيرى أنت الطريق أى مقهى داخل كالسيف فى البحر

ويقول شاعرنا الكبير صلاح عبد الصبولا

من يرفع ساعدى غيرى
أين أعلق تذكاراتى والحائط منهار
أين أسمر شغفى حزنى فرحى ولهى

أستطيع التأكيد أن أسوأ شئ وربما يكون قريبا من حالة يأس مقتحمة
الشعور أن الفرد فى انتظار أحد ما
يسمنحه شيئا لم يستطع هو وحده اكتشافه
ربما يجدر بنا أن نعيد حساباتنا مع العالم ونخفف من أثقالنا
حتى يمكننا أن نخرج للشمس والنور
أما التزخنق ( رغم جمال النحت للمفردة) فهو فعل متعبين
أو على الأقل متعب واحد
وأعود فأكرر
من يرفع ساعدى غيرى
هشام
وشكرا على زيارة مدونتى

Anonymous said...

يقول محمود درويش

تخيرى أنت الطريق أى مقهى داخل كالسيف فى البحر

ويقول شاعرنا الكبير صلاح عبد الصبور

من يرفع ساعدى غيرى
أين أعلق تذكاراتى والحائط منهار
أين أسمر شغفى حزنى فرحى ولهى

أستطيع التأكيد أن أسوأ شئ وربما يكون قريبا من حالة يأس مقتحمة
الشعور أن الفرد فى انتظار أحد ما
يسمنحه شيئا لم يستطع هو وحده اكتشافه
ربما يجدر بنا أن نعيد حساباتنا مع العالم ونخفف من أثقالنا
حتى يمكننا أن نخرج للشمس والنور
أما التزخنق ( رغم جمال النحت للمفردة) فهو فعل متعبين
أو على الأقل متعب واحد
وأعود فأكرر
من يرفع ساعدى غيرى
هشام
مدونة حكايات المساء
hisham66.blogspot.com
وشكرا على كلماتك الرقيقة وزيارتك مدونتى

ola salem said...

الله يخرب عقلك اكتر ماهو خربان
يابت انتى الصورة دى بتقتلنى يا بت
مش عارفه اقولك ايه.......

جوستيـن said...

sultan

هو انا بسيب فرصه لحد يكلم يا حبيبي؟

اديني برمي اللي عندي

Anonymous said...
This comment has been removed by a blog administrator.
عمرو الهوارى said...
This comment has been removed by a blog administrator.
mostafa said...

هل موف مقصود بها اللون او موف المقصود بها تحرك وهي المناسبه لفكره الزحلقه ؟
شكرا لمرروك وشكرا للتسعه ميم التي علقت بها

ابو احمد said...

اسلوبك جميل ياريت تحاولى تكتبى شعر مسرحى بتهيالى هيبقى شئ جميل
تحياتى وكل سنه وانت وكل البنات المهوبات بخير

جوستيـن said...

mostafa

موف اللون..اعمل ايه يعني
اشحال ما كنتش ملوناها
هيهيهي
منور

كلام من القلب said...
This comment has been removed by a blog administrator.
hartaka said...

يخرب عقلك
:) مسخرة

ابو احمد said...
This comment has been removed by the author.
ابو احمد said...

انا كان قصدى اكتب الموهوبات مش عارف ازاى اتكتبت المهوبات
عامه انا بصحح الجمله
انا سعيد بعدد المدونات الموهوبات

معلش جديد على التكنولوجى

سمـــــــــا said...

حيث انى برج حوت فطبعا لازم احيكى على اللون الموف لانه من الالوان المفضلة للبرج دا ، بس الصورة رغم روعتها ودقة تفاصيلها الا انى اسمع فى علم النفس ان وضع الجنين فى النوم دليل عدم الامان والقلق ، لكن الزخنقة فى كلامك بصراحة مفيش اجمل منها وخصوصا لو مع حد بموت فيه .

تحياتى

3ashry said...

حلو احساس الزخنقة ( هى مصدر نتزخنق ايه ؟ ) خاصة لو كان مع حد قريب لينا

الصورة معبرة عن عدم الامان و احتياجنا كلنا لحضن يضمنا ( انا هغنى الحلم العربى و لا ايه )
تحياتى

Mkjwe said...

لا بقرف صراحتن