بوسطـــــــــــــــه

مع اني ما بحبش أكتب حاجه رومانسيه وماليش خلق أقرا حاجه رومانسيه بس

أحـــــــب ألفت نظرك بس إن النهارده يوم مهم أوي ..لا لا لا لا..دا أهم يوم.فات شويه حلوين علي أول يوم عرفتك فيه وشويه أحلي من يوم ما حبيتك ...فاكـــــــــر؟؟؟ إمبارح ركبت العربيه وفتحت الشباك..سبت الهوا ياخد وشــــي وشيلته كلام كتير أوي ليـــــك..وقعدت أفتكر وأفتكر...كنت حـــــاسه إن روحــــي طايره ..طايره أوي

دلوقتــــي وأنت ف الجزيـــــره البعيده ومش بعيده..اللي ما فيهاش موبايل ولا تليفون أكلمك فيه...يا تري عامل ايه؟؟؟ لسه بتحبني زي زمان؟؟ أكتر؟؟ اقل؟؟

إنت واحشـــــني أوي...وعلي رأي جدتي" ربنا يقرب البعيد" هيه يا رب

لما كنـــا صغيرين شويه..ما كناش بناخد بالنا من الوقت ..كان بييجي ويروح ..فاكر أيام خناقتنا الكتير؟؟ فاكر لما كنت بتعمل عليا راجل؟؟ فاكر؟؟ فاكر؟؟


النهارده يوم مهم أوي..وناعم زي الحرير . لما بحط راسي ع المخده وأفتكره بحس ان الحياه بتتزحلق علي خدي.....جميل أوي ان الواحد يكون له يوم مهم ف حياته ...أنا عاوزه أقولك شكرا أنك عملتلي اليوم دا وزودت لعيني حاجات حلوه أوي ومهمه

النهارده أحتفلت باليوم دا مع نفسي ورقصت معاك تانجو...شفتني؟؟؟ انا كنت حاسه انك شايفني
فاكر التانجو؟؟ مشروعنا عشان نقرب من بعض؟؟؟

إمبارح قريت الكلام الحلو أوي اللي أنت كتبتهولي أخر مره ..قريته كتييييييير"
ــــــــــــــــــــــــــــــــــــــــــــــــــــــــــــــــــ
والنبي

فاكره مزيكة النشره الجويه بتاعة أخبار تسعه وأحنا صغيرين؟؟
خليكي شبهها كدا باب أو وعد بالنوم
وأنا صغير كنت متخيل إن فيه ألبوم للكلام وإن كل كلمه ليها صوره شبه اللي ف ألبوم صوري اللي مبشوفوش كتير وحتي دلوقتي ساعات ودني تلقط من وسط الجمل الكتير كلمه فأحس أنها شبهك أو أحس اني فرحان إني سمعت الكلمه دي
يعني مثلا( ميه بيضا ) أو (هناك) أو (شويه) ء
شايفه الشين اللي ف أول شويه دي. خليكي زيها كدا حضن م الدوشه والعالم اللي برا
وأنا شبه كلمة " ساعات" زيّ زي كل مراكب أمشير
ساعات أبقي عاوزك تهنينه وتغنيها لي كمان وأنا بنام. وسعات أبقي عايزك حجات كتير وجري وتنطيط وسعات أبقي عايزك تعرفيني أنا عايزك إيه؟؟
وكتير بحس إن كلمة (ساعات) هتاكل لساني بكل الكلام اللي عليه
ومش هتسيب غير بس
خليكي
خليكي
ـــــــــــــــــــــــــــــــــــــــــــــــــــــــــــــــــــــــــــــــــــــــ

شايف كلمة" نشرةالجويه "اللي أنت كاتبها دي أنا حسيت وانا بقراها ان قلبي دفي..وكلمة " والنبي" حاسه انها حضناني كدا...ومش هقولك كلمة " خليكي" عملت فيا ايه

واحشني قعدتك معايا وتعليقاتنا علي كل حاجه...بالحق ...شفت إعلانات ميلودي....

عاوزه أشوف إبتسامتك واسمع تعليقك وانت بتشوفه


كمان بالحق............................. ولا أقولك....بلاش ..أنا اصلي مكسوفه جدا
وحاسه ........

المهم عشان ما أطولش عليك..الحكايات أصلها ما بتخلصش وانا ما بشبعش من الكلام معاك..أنا بس عاوزه أقولك
بحبك

واحشني

كل أهم يوم وانت طيب

وكـــــل واحد فينا..يركب حصــــــان خيــــــاله

يلا بينا تعالوا. نسيب اليوم بحاله. وكل واحد فينا يركب حصان خيـــــــــاله
درجــــــن درجــــــــن درجـــــــــــن درجــــــــــــــــن(1)ء


عجنت صوابعها باللون الأحمر حيث عجنت طبقة جلدها الظاهره مع كرات الدم اسفله حتي شفت لون الدم لأعلي- عليها- وذيلت أطرافهم بضغطة ثقيله من فرشاة " إزازة المنوكير" وبنفس العجينه المحمره بالسكر" كراميل" نزعت بصيلات الشعر حول أصابعها ثم حول رقبتها وقضمت بها نتوءات البثور علي خديها والأن.. أوسعت ضفتي شباكها ليحف الهواء البارد بوجهها ويصنـــــعه.فهي من مؤيدي نظرية صناعة الوجه

درجن
درجن
درجن

بقطع شريحه من " هيلين" نجد أنها مختمره أي أنها دخلت طور الاختمار..واليوم هو اليوم الاول للسنه الرابعه علي عهد الإختمار روحها + حلمها + شريحه من طرق صوفيه متعدده = خميرة هيلين

السنه الرابعه علي قدوم هيلين من تلك الجزيره الغير معروفه . وحدها دون أحد..فقط حلمها وممارسة أشكال متعدده من الطرق الصوفيه تستطيع بها عبور الدور الثالث من روحها أو موازاتك أحيانا وأنت تشطح بحصان خيالك

درجن
درجن
درجن

كان لهيلين " شيطانا" إعتادت أن تحلف به.وكان يركز لها نظرها علي الشباك المواجه لدورة مياه السينما المقابله لبيتهاويكشف لها وجها خاصا لعالم آخر.وشيطانا آخر يجعلها تبتسم لبائع محل الملابس الموجود ف طريقها..وآخر يجعلها تبصق ف كولدير الماء الموجود بشارعها حتي يشرب الناس من بصقتها وآخر وآخر..وهي لا تعلم لما تنتشي بأفكار شيطانيها حتي أنها تستطيع وقتها فقط أن تشتم رائحة أشجار التوت التي أفتقدتها تأتيها من بعيد ..متناسيه التنافر المؤلم لروحها الذي يعقب نشوتها

درجن
درجن
درجن


كنا ف السادس من يوليو لعام 1975 . حينما أرسل إليها رسالته الأولي ثم العام 76 رسالته الثانيه ثم العام 77 رسالته الثالثه والآن..هيه..هي مختمره أعدت كل المراسم لاحتفال يليق بفتاه علي الطريقه الصوفيه..وهي تنتظر عامها الرابع من الاختمار وتقف الان تصنع وجهها وتربط بخيالها علي حصانها وتكتشف مصيرها


كلمة " أفتقدتك" ف الرساله السابقه هل تعني أنه يحبني؟؟
وكلمة " أتذكرك" هل تعني أنه يعرفني؟؟
هل هو يراني؟؟
هل يعرف الله أو هو قريبه؟؟
هل سيأتي اليوم؟؟
أو بعباره أخري...هل سأظل وحيده؟؟

درجن
درجن
درجن

إنحشر الوقت مع روحها داخل عنق زجاجه ومضطره هي الآن لأن تحتفل وحيده..فقد تخسر روحها ف الساعه المقبله عندما تتنافر مجموعة أفعالها الغريبه تتنافر حاد مع روحهاو صوفيتها لذا فعليها الاحتفال الان وعدم انتظاره

وجسم يتمايل وموسيقي ترسم المكان وروحا عاليه تساعد روحها ف الإلتئام وأفكار أخري تتوارد ..هي لا تستطيع ان تبعده عن حصانها
من هو ؟
هل يراني؟؟
هو كتب لي أشياء تبدو خاصه..هل يطلع عليا؟؟
هل يري الوجه الاخر مني؟؟
هل يستطيع ان يحبني به؟؟
ماذا لو كنت أكثر إلتئاما بروحي؟؟

درجن
درجن
درجن

ومع خبطات الباب ...أوقفت الموسيقي..وفكت بلاطاتها المتنافره مع روحها ..والان هي تقرا الرساله للعام الرابع

وجدتها هكذا

" ذات مره قرأت ف روايه جملة
كلنا رائعون..كلنا مقززون..كلنا رائعون..كلنا مقززون" ء


درجن
درجن
قـــــــــــــــــــــــف

الراجــــــــــل دا هيجننــــــــــي...هيجننـــــــــــي

سلفادور دالي...ف صوره
عادي...( لما بيتصور اتصور كدا) عادي
طب إزااااااي؟؟؟
الصوره دي إزااااااي

لضــــم ثم ............لضما؟؟؟

هـــــــــا آنــــــــــذا ...قضيت ثلاث ساعات منتظره ان يهبط ورم عيني المستمر من النوم المتواصل..ووضعت قطرتي المحفزه ثم المهدئه" بريزولين"وشعوري انها بدأت تتفكك وتنتعش- عيني طبعا- الان- اشعر بنني وحده ..وبياض عيني طليقا وحده .... وباتت عيني تبدو " زي الورده" والان فقط أستطيع أن اراه وألوح رقبتي له بابتسامه تجويف عيني بعدما تحرر من ننه القابض عليه منذ تسعة عشر عاما- فترة وجودي- وننحي باقي الوجه جانبا


أستطيع أيضا ان أفكك أي إلتضام يحتويه وجودي منذ بداية عهدي..فقد فكيت التضام سجادتي مع بلاطاتها ...وفكيت ايضا التضام قدمي عن مربع جسدي..وايضا فكيت رابط عقدي حتي انفرطت حباته وصارت هي الاخري حره حتي جيبي الملضوم ببطني منذ عهده سأفك إلتضامه والان سأفك روحي عن المجري الضيق هنا...فقط أطلق روحك معي


لضم ومصدرها إلتضام والفعل الارتياحي منها حرر (1)
ـــــــــــــــــــــــــــــــــــــــــــــــــــــــــــ



في هذا العهد ..كانت هي موجوده تضم عبستها حتي يلتصق حاجبيها فتسند عينيها بعيدا عن الشمس ..ولها قدم سندريلا او كما تطلق عليه حذاء سندريلا..وشعرا قصيرا يعطيك انطباع بروح متوحده مع " فاتن حمامه" وجسم له حركات تشبه روحها وشارع طويل ف بلد ما وليكن " بلوجسفريا" وخطوات معدوده.. عد معي واحد .. اثنان .. ثلاثه


في عهد موازي له .. كان هو ف ملخص تلات كلمات " جميل .. وحيد...يبحث عنها " يسير هناك..حيث التقي كوكبهما بعد ما خرج هو عن مداره..ولكوكبه جدار أصفر وألبوم صور يتصدره " تحيه كاريوكاا" و " بديعه مصابني" واخري بالاعلي " يدعونها " فردوس"


ثم- هيه - لدينا الأن شخص ملتضم بالزمن الجميل وفتاه تشبهه..وماره واناس وكائنات اخري لا تستطيع عيننا ان تراها وكائنات نستطيع

ـــــــــــــــــــــــــــــــــــــــــــــ
في عهد سابق له...يجلس هو ..يرفع عينه طالب الرضا وكأنه بيقول بعينيه" مقداميش غير كدا" وفردوس امامه ..تركن بضهرها. ورجليها مفتوحه رغما عنها ..حيث ان.. فخذيها متباعدين بينهما" صينيه ملوخيه مقطوفه" تشغل كل الفراغ بين فخذيها و ممسوكه بحكمه ..عيدان اخري مهمله تحت قدميها ومنديل يطوي خصلات شعرها ..ونور مطفي وشباك مفتوح يصنعا معا إضاءه يطلق عليها " نور ربنا" وصمت يكسره صوت احتكاك مخرطه تداعب عيدان الملوخيه ف صينية فردوس


فردوس : هتسافر خلاص
هو: ما فيش حاجه تتعمل
فردوس: عويل بلاده عويل بلاد الناس
هو: مش هفشل
فردوس: ههه ( وهي تلقط نفسها لفوق وتكسر عينها لتحت)ما شي
هو: قلتلك مش هفشل مش هفشل
فردوس: قولتلك ماشي
هو: كان فيه حاجه وما عملتهاش
فردوس: اه
هو : إيه؟
فردوس: تخليك جمبي
هو: ...............
فردوس: وأرقصلك فشر الكاريوكا
هو: .......مش هينفع
ــــــــــــــــــــــــــــــــــــــــــــــــ

في العهد الموازي...بزدحم الشارع بالماره يبدو ع الوجوه وملامحها وبشرتها انهم من كوكب واحد ..فلا انا اشتم رائحة الملوخيه ولا اسمع دقات المخرطه ولا اري نور ربنا ..ثم تظهر هي ......إسمع بنفسك خبط حذاء السندريلا..هو يسمعه الان


هو: كاريوكا؟
هي: مستغربه جدا( إيه:( بتقول ايه؟
هو : كاريوكا بقولك؟
هي : هه لا
هو: أومال؟
هي : فاتن حمامه
هو: لا كاريوكا اهو كاريوكا
هي : لا شوف شعري اهو شوف.. فاتن
هو: ترقصي؟
هي : اه
هو: فشر الكاريوكا؟؟؟
هي : اه
هو: مش قولتلك كاريوكا كاريوكا كاريوكا





وفي الخمس دقائق الاولي من هذا العهد ....


هو: انا مش هزعل منك ابدا..إ
هي: مممممممممم
هو: الا ف حاله واحده بس
هي: ايه؟
هو: لا مش هينفع مش هينفع دلوقتي اقولك
هي: لا قول والنبي لا تقول قول قول
هو: انا عارفك لسه حالا
هو : ................... ممممم
هو: مممممممم...........ممممم
هو : لو سبتيني
هي:......................لو ايه؟


لضم والمصدر منها إلتضام والفعل الارتياحي منها أكثر لضما(2)ء

إن الله لا يضحك..ونخلتي ايضا

قلمت نخلتي ؛ حتي صار شكلها لاعلي مدببا وطيرت عنها فروعا تدعي " فروع النكد " التحمت نخلتي بذاتها التحمت بفقرتي الخلفيه حتي انهم اصبحوا متماثلين- نخلتي وفقرتي الخلفيه-ولأن الضحك ظاهره إنسانيه بحته..فإن الله لا يضحك..وكذلك نخلتي لا تضحك وفقرتي الثالثه الملتحمه بها أيضا لا تضحك بالرغم من التخلص من فروع النكد


تمر يدي من الخلف وعلي النتوء الموصل بين نخلتي وفقرتي .أزغزغ..وامرر إصبعي ثم ازغزغ..وأعادود التمرير مع التغيير من وضعي ثم............ لا شيء فنتوئي لا يضحك


فقط إبتسم نتوئي !!!!!!!!!!

لماذا لم يضحك ؟؟؟

ثم ..دعنا نتخيل أن لكل نتوء او لكل إنسان عدد معين من الضحكات فإذا أحللنا االضحكه محل الانسان ف دراستنا للمضمون الوجودي لظاهرة " التناهي " باعتبارها نسيج الوجود الانساني إذا فهذه الضحكه التي يرفضها نتوئي الان هي متناهيه

انا الان علي مقربه للخساره فانا كما لدي نخله وغزاله ..وفروع نكد فانا لدي عدد معين من الضحكات ..أنا الان غير قادره علي جلبها..انظر فانا مارست تمريني ..وزغزغت نتوئي ولكن فشلت


ــــــــــــــــــــــــــــــــــــــــــــــــــــــــــــــــــــــــــــــــــــ

أخذ كثيرات من الدراسات علي ان الابتسامه هي "مشروع ضحكه" وان الابتسامه قطعا تستطيع التحول لضحكه مع زيادة المنبه الفكاهي يستطيع جزء مني أن يؤيد هذا الرأي لكن نتوئي لا يستطيع


وهناك تأويل لبعض العلماء تأييدا لنظرية فرويد " المرحله الفميه" لدي الطفل باعتبارها المرحلة الاولي من مراحل تطوره النفسي بصفه عامه والجنسي بصفه خاصه فقد أخذذوا بمباديء التطوريين ف " الانتخاب الطبيعي" فيقولون ان عملية الرضاعه عند الطفل هي التي عمل علي ظهورالابتسامه باعتبارها علامة علي " الشهيه المشبعه"..أي انه يبتسم الطفل بعد رضاعته كدليل علي الاشباع والرضا(المفروض ان دي احد التفسيرات لاصل الابتسامه) ولكنهم لاحظوا ان صغار الحيوانات ترضع كصغار البشر تماما ومع ذلك لا تبتسم.

أيضا من الطبيعي ف رأيي ان الطفل هنا الذي ابتسم لا داعي لضحكه فهو الان ابتسم ابتسامة تواصل او خطاب اجتماعي بينه وبين امه فهو الان قد شبع ..لذلك ليست كل الابتسامات مقدماتا الضحكه

إذن هناك كائن يدعو الضحكه ...ينمو داخل نتوئي فقط ونتوئك فقط..لأن الله لا يضحك وليس له نتوء أيضا

ـــــــــــــــــــــــــــــــــــــــــــــــــــــــــــــــــــــــــــــــــــ

وهرجع تاني من الاول...فانا الان لدي كم من الابتسامات المختلفه بحالتها عن الضحكه ولدي أيضا " عدد معين من الضحكات المتناهيه المسبوقه بحالة سعاده" هل هم ألف اثنان أقل أكثر أكثر بكثير أقل بكثير ....

ماهو الحال لو كنت استنفزتهم ؟؟؟؟


ّ

شـــــــــجرة

مشي خطوتين ولمس


نبتة زرعها البارحة

خرج نسغ من يديه إلي عروقها

خرجت من عينيه أوراق إلي غصونها

وحين أراد العودة

لم يبرح مكانه

كانت قدماه تحولتا

جذورا

ــــــــــــــــــــــــــــــــــــــــ
النص للشاعر" وديع سعاده" واللوحه للفنان التشكيلي " عبد الهادي الجزار" وبس

شـــــــــــدد ثم تشدد

تلقط مناخيري رائحة عجين-من الفعل عجن- عجن الدقيق مع الماء..او عجن روحي مع الدقيق مع الماء وتركها تختمر..وتلقط الشريحه ف الخارج لوح خشب مسطح حتي اخر الطرقه يعلوه أقراص عجين..وكلمة"قبل" قبل فعل الشيء.وصعود ثم هبوط ثم صعود.وفرن وعبارات غير معتاده مثل "ألاويح" وكلمات فعل أمر مشدده مثل " أرصي" " ولعي" بططي" إلخ

ــــــــــــــــــــــــــــــــــ
والموبايل يرن

مسج جايه
هو انا ممكن أسألك سؤال محرج جدا جدا بس ما تضحكيش وما تستغربيش.ولا اقولك بلاش بس أبقي فكريني أسألهولك"

مسج رايحه
والنبي والنبي قوليلي السؤال المحرج مش قادره قوليلي.. هيه..يلا

مسج جايه
لا لا داا انتي حظك حلو انا سكري كان واطي وقمت اكل حاجه حلوه وهنام تاني بعدين ابقي اقوك

ـــــــــــــــــــــــــــــــــــــــ
بينما أضم درسي علي لستي غيظا يخلق لي الله كائنا يحيا تحت درسي يتغذي علي فمي..لدي منذ زمن بعيد ثلاث دروس خلق لهم الله تعشيقه ثم خلق مكانا ليغرس فيه الدروس وعشق -- الفعل من تعشيقه--الدروس بشكلها الحالي ولما ضغط درسي علي جزره بعيده ..خرج منه كائنا يدعي"خراج."بتشديد الراء. يصعب علي تصديقه.

وعنبه موسميه أعلي رقبتي تتداعي ف موسمها

هناك موال ما...ضع عينك هكذا داخل كفك ثم أكشف عنه؟؟

علبة سجاير
رائحة عجين
وعنــــبه موســــــميه
وأفعال امر مشدده



يوم شديد الملل